Помнік студэнтам і выкладчыкам Беларускага політэхнічнага інстытута — помнік у Мінску, размешчаны ў скверы каля будынка галоўнага корпуса Беларускага нацыянальнага тэхнічнага ўніверсітэта. Стэла па праекце архітэктара Ільі Дзятлава пастаўлена ў 1975 годзе на ўшанаванне памяці студэнтаў і выкладчыкаў інстытута, якія загінулі на франтах Вялікай Айчыннай вайны і ў партызанскай барацьбе супраць нямецка-фашысцкіх захопнікаў.